www.geheichnis.de

 

rezensionen

links

impressum  

Johanne vunn Lottringen* 2012
(fòa Jeanne d'Arc)
enn Experiment

Aus Lottringen
Wòret, datt Mädchin -
Aach wenn datt heit
Käänen mä se intresieren scheint -
Ett Hott Schtimmen geheeat
Unn desweejen gewißt,
Daß da Kriech,
wo ball schunn hunnat Jòa gedauat hott,
Moll äämoll mißt uffheeren!
Selwa in de Kriech gezoo isett dann.
Unn deem jungen Keenich hoddet gesaat;
Dasa als Heinrich da Sibt
in Reims gekreent gääv!
Datt hott daerscht kääna geklaavt!
Gesaat, gedòòn!
Unn schunn kunnt mat Johanne gesinn,
Wied in Rüschdung mit de Soldaaten
Vunn äänem Ort zum annaren gezoh iss
Gejenn de Englända
Imma gut druff
Unn imma iwwazeicht,
Dasett Recht hott unn de Schtimmen
hannem beigeschtann!
Ett hott Erfolch
Da Keenig iss gekreent ginn in Reims.
Unn ett wòa dabei!
Se hannemt nit gegunnt!
Unn dann hannse
Mit Gewalt eppes gesuucht
Fòarem de Prozess se machen:
Se hannet in de Kerka geschtoch,
Kääna haddem mä geholf -
Aach nit da Keenich -
Unn dann isset vebrennt ginn
als Hex!
Awwa de Leit hoddenet trotzdeem gäär gehatt
Wejen seina Äänfachhätt
Unn se hannem geklaavt, waddet gessat hott!
Jòòren schpääda
Hott da Keenig de Prozess rickgängich gemach
Wied längscht doot wòa
Unn  ma neischt mä machen kunnt!
Unn häälich geschproch hannset
Awwa eascht fünfhunnat Jòa schpääda!
Datt hoddem aach nix mä genutzt
Awwa de äänfach Leit
Hannet bis heit nit vagess
Ett Johanne vunn Lottringen
Aus DomRémy
wo hott missen vill se frie schterwen
Fòa sei Gutthätt.
Ett hott näämlich aach anna Leit ginn,
woo datt zugeloss hann!
Awwa soo wòòren se aach, de Leit,
Unn soo sinnse bis heit!

Patrik H. Feltes, gen. Veltz

 

* Für den Titel des Gedichtes wurde der Name Joihanne gewählt, weil die historische Jeanne d'Arc mit Johanne selbst unterschrieben hat

kontakt(at)geheichnis.de

©  Patrik H. Feltes