www.geheichnis.de

 

links

impressum  

 

Maria Hämmsuuchung

zum Patrozinium der Pfarrkirche Maria Heimsuchung in Wadgassen*

Magnificat

 

Frisch uff de Weech gemach
hoddet sich, et Maria
fòat Elisabeth se gesinn
kurz nòòdeem da Engel
beiet kumm wòòa
fòam se saan,
daddet de Herrgott
sollt uff de Welt bringen.
Wiet Maria aankumm is,
beim Elisabeth,
unn sich de zwaai Fraaleit
gesinn hann, haddet
Kind vum Elisabeth
Sich beweecht im Laiv
Unnet hat zum Maria gesaat:
Ich grießen Dich, Maria,
de bischt geseent unna all Fraaleit!
Et Maria hat sich bedankt unn gesaat:

Magnifikat
Mei Seel erkennt wie grooß da Hääa is
Mei Gääscht juwwelt iwwa Gott,
der woo mich gerett hat.
A hat uff mei Kläänhätt geluut
Unn all wern in Zuukunft uff mich luun.
Da Gott hat Grooßet aan ma gemach
Sei Namen is häälich.
A helft allen, woon eehrlich firchten.
A macht lauta gudd Sachen:
A macht die duinanna, woo voll Hochmut sinn,
A schtirzt all die, woo se mächtich sinn
Vum Throon unn heevt hooch
All die, woo ganz unnen sinn.
All die woo Hunga hann, deenen
givda se essen unn all die, woo reich sinn,
kannen gaar neischt vum krien!
A duut alles fòa sei Knecht Israel
Unn macht, unn helft, woo a nua kann.
Unn datt hodda uusen Vòòafaahren
Vum Abraham aan gesaat unn datt
Gilt aach fòa die, woo nòòkummen
Bis in Eewichkätt!

 

*Die Pfarrkirche ist seit Mai 2021 wegen eines Feuers, das dort ausbrach nich betretbar und in Renovierung. Daher wird der Kirchweihtext hier mit dem Bild des Sandstein-Altarreliefs gezeigt.

 
 

kontakt(at)geheichnis.de

©  Patrik H. Feltes