|
Uus Bäämchin
Inn letschda Minut
Ett Bäämchin
Gesuucht.
Daeeascht
Neischt gescheits mä gefunn!
Doch noch nit gefluucht
Unn äänfach moll weidageluut.
Uff äämoll ganz im Ecken dann
Ennt gesinn, wo hott
Ganz valòòr dòò geschtann
Hott betripst vòa sich higeluut
Unn alään unn ohne Muut
Gaar nit gemännt
Daß mat soo richtich gesääng.
Ma hannet gleich mitgeholl
Unn scheen gemach
Mit Kurreln und Lametta ganz voll
Gehonk und Keeazen aach
Unnet hot ganz hell geschtraalt
Wieet jeedem gefallt
Fòa de häälijen Krischtdaach.
Unnet hat uus soo vill Frääd gemach.
Unn soo atzelich dòò geschtann,
Daß all sich freien draan
Weit iwwa Neijòòarschdaach
Hinaus bis rinn int frische Jòòa
Wie iwwa kään annaret
Aus deen Jòòren davòòa.
|
